Биди Меланома херој
Запознајте ги нашите Меланома херои. Тие се нормални луѓе кои живеат нормален живот. Некои од нив се пациенти, кои храбро се борат за да ги надминат предизвиците кои им ги носи болеста. Другите, ги поддржуваат оние кои страдаат од оваа болест и прават огромни чекори за превенција на оваа болест или го предводат процесот на пронаоѓање на лек.
Товарот кој доаѓа со меланомот
230,000
Ракот на кожа е еден од најчестите типови на рак; годишно, повеќе од 232.000 лица се дијагностицираат со оваа болест.1
На секои 53 минути по едно лице го губи животот како последица од меланом.2
90%
90% од овие случаи можат да се спречат.3
Биди Херој
Кликнете на секоја од групите подолу за да откриете со колку едноставни и практични работи можете да направите разлика.
Херој секојдневно
Пациенти и лица кои се грижат за нив
Истражувачи и доктори
Превенција - Хероите се заштитуваат себеси и ги заштитуваат луѓето околу себе
-
Се заштитуваат
Нанесуваат крема за сончање, дури и во денови кога нема сонце - UV зраците се секогаш присутни!
-
Се облекуваат
Сончевите зраци се најсилни помеѓу 10 часот наутро и 2 часот попладне. Ако хероите излегуваат надвор во овој период, носат облека со долги ракави, наочари за сонце и капа.
-
Едуцираат
Хероите добро знаат за АБГДЕ (асиметрија, боја, граница, дијаметар и еволуција на бемка) и ги учат останатите за овие знаци со кои може да се забележи меланомот. Тие исто така си прават проверка на кожата секој месец.
Поддршка - Хероите даваат се од себе за да им помогнат на лицата кои боледуваат од рак
-
Слушаат
Хероите се главна поддршка за своите сакани после откривање на меланомот - ги придружуваат за време на лекарските контроли и се тука за нив во тек на целиот третман на болеста.
-
Надеж и сила
Тие се грижат, слушаат и се сила на која што може да се потпреш. Пациентите се најсилните херои, кои го прифаќаат секој ден и никогаш не забораваат што е најважно.
-
Споделуваат
Хероите ја поддржуваат заедницата со тоа што ја зголемуваат свеста за оваа болест и пружаат рака кон другите лица кои се справуваат со меланомот.
Го предводат процесот на пронаоѓање на лек - Хероите пронаоѓаат решенија кои го продолжуваат животот и спасуваат животи
-
Размислуваат иновативно
Хероите вредно работат во процесот на истражување и клиничко развивање, со надеж дека ќе пронајдат врвни научни откритија.
-
Се грижат
Хероите работат за да го подобрат животот на лицата со рак - обезбедуваат ефективни и безбедни стратегии за третман.
-
Соработуваат
Истражувачите, лекарите, пациентските организации и други лица вклучени во оваа индустрија, работат заедно за да овозможат побрз пристап до иновативните терапии за пациентите.
И ти можеш да бидеш Херој!
Користи го хаштагот #MelanomaHeroes и раскажи ни што правиш за да бидеш Херој.
Корисни линкови
Референци
- 1. Creagan ET. Malignant melanoma: an emerging and preventable medical catastrophe. Mayo Clin Proc. 1997;72:570-4.
- 2. American Cancer Society. Cancer Facts and Figures 2017. Достапно на: http://www.cancer.org/acs/groups/content/@editorial/documents/document/acspc-048738.pdf, пристапено: мај 2017 г.
- 3. Melanoma Research Foundation. Practicing effective melanoma prevention. Достапно на: http://www.melanoma.org/understand-melanoma/preventing-melanoma, пристапено: мај 2017 г.