Преддијализа

Хроничната бубрежна болест се развива бавно, а поизразените симптоми кај пациентите најчесто се јавуваат доцна, во последниот стадиум, кога веќе би била потребна бубрежна заместителна терапија која значително го менува животниот стил на пациентот, но го обременува и здравствениот систем на државата.   

           

 

 

Симптоми кои најчесто ги чувствуваат пациентите со хронична бубрежна болест се:1

  • замор и помалку енергија за извршување на секојдневните активности;
  • потешко концентрирање;
  • намален апетит;
  • несоница;
  • грчеви во мускулите;
  • отоци во нозете и зглобовите;
  • отоци околу очите, особено наутро;
  • сувост и чешање на кожата;
  • потреба за често уринирање, особено ноќе.

Хронична бубрежна болест може да добие секој и на која било возраст, но сепак зголемен ризик за развој на ова зболување имаат:

  • болните со дијабетес;
  • со висок крвен притисок;
  • со историја на хронична бубрежна болест во фамилијата и
  • постарите лица.

Хроничната бубрежна болест и анемијата поврзана со неа како една од најчестите компликации може да се откријат уште во раните стадиуми со едноставни рутински тестови кај ризичните групи.

Раната дијагноза и раното започнување на третманот на анемијата е особено значајна за спречување на прогресијата на кардиоваскуларните оштетувања, редукција на хоспитализациите и смртноста.2

Референци

  1. National Kidney Foundation. http://www.kidney.org/kidneyDisease/ckd/index.cfm. пристапено на 03.10.2014 год.
  2. Gouva C, Nikolopoulos P, Ioannidis JP, Siamopoulos KC. Treating anaemia early in renal failure patients slows the decline of renal function: a randomized controlled trial. Kidney Intl. 2004;66:753–60.