Извор:
Roche, достапно на: https://www.roche.com/research_and_development/what_we_are_working_on/haemophilia/a-to-z.htm. пристапено: април 2021 година.
Хемофилија значително ги менува животите и на лицата со хемофилија и на лицата кои се грижат за нив. Кај лицата со хемофилија А, недостасува или е намалена активноста на еден од протеините вклучени во коагулација на крвта, наречен фактор VIII. Ова значи дека нивната крв не се згрутчува правилно, што може да доведе до неконтролирано крварење.
Околу 320 000 лица ширум светот страдаат од хемофилија А, ретка болест за која се уште постојат многу заблуди.
Да се има хемофилија значи да се соочуваме со разни ограничувања во животот, како што е неможноста за изведување на разни видови на физичка активност, како што се контактните спортови.
Не сите крварења се предизвикани од повреди. Кај некои луѓе се појавуваат спонтани крварења во зглобовите, мускулите итн. кои можат да бидат исклучително болни и можат да предизвикаат трајно оштетување на зглобовите.
Иако е очигледен напредокот во третманот на хемофилија А, клиничките предизвици остануваат. Лицата со хемофилија А обично треба да примаат терапија на секои неколку дена или секојдневно во случај да имаат инхибитори. Интравенскиот начин на администрација на лек може да биде предизвик, особено кај деца.
1 од 3 лица со тешка форма на хемофилија А може да развие инхибитори на фактор VIII или антитела. Тоа се протеини создадени од самото лице, бидејќи тој го препознава факторот VIII од препаратот за третман како туѓо тело, и со тоа го запира дејството на факторот VIII.
Лицата со хемофилија А имаат потреба од нови терапевтски опции кои го намалуваат бројот и сериозноста на крварењето, го решаваат проблемот со развојот на инхибитори и овозможуваат поудобна употреба.
