Соопштение

Скопје, 17.09.2015

Соопштение

Фармацевтската компанија Hoffmann - La Roche е рангирана како најодржлива здравствена компанија според Dow Jones индексите за одржливост – повторно!

Седма година по ред, Roche (SIX: RO, ROG; OTCQX: RHHBY) е прогласена за лидер во одржливост во рамките на индустријата на фармацевтските, биотехнолошките и биолошките науки.

 “Особено сме горди на ова признание”, изјави Главниот извршен директор на Roche, Северин Шван. „Како иноватор во здравството, ние ја сметаме одржливоста и како одговорност и како фактор за создавање вредности. Трите елементи на одржливост – социјални, еколошки и економски - се комплетно интегрирани во нашите деловни практики и се основа на начинот на кој Roche работи“.

Преку повеќеслојна стратегија за одржливост, проширување на корпоративното управување, операциите и соработката на засегнатите страни, Roche ја задржи својата водечка позиција во фармацевтската индустрија. Roche работеше особено добро во неколку категории, вклучително кодексот на однесување и сообразноста, управување со ризици и кризи, управување со синџирот на набавки, еколошката политика и управување, привлекување и задржување на таленти.

Со над 100 нови партнерства во академските и истражувачките институции, заеднички вложувања и биотехнолошки компании основани минатата година, DJSI (Dow Jones Sustainability Indices) кај Roche особено ја забележа развиената култура на соработка, широк пристап кон иновации и посветеност кон зголемување на пристапот до здравствената заштита. Иницијативите вклучуваа програми за рано откривање и лекување во Африка, Јужна Америка и Азија, и работа со Транснет фондацијата во Јужна Африка со цел изнаоѓање на локални здравствени решенија за далечните заедници. Покрај тоа, DJSI ја пофали посветеноста која Roche ја има кон луѓето, со програми за лидерство и развој кои поттикнуваат разноликост, професионален и личен развој. Столбот на нашата култура, Roche е посветена на одржливоста како составен дел од начинот на кој работиме сега и во иднина.

За RobecoSAM и Dow Jones Индексите на одржливост

Основана во 1995 година, компнијата RobecoSAM е стручњак за инвестиции фокусирана исклучиво на инвестирање во одржливост. Таа нуди проценка на раководење, индекси, ангажман, гласање, анализа на влијание, проценки на одржливост, и референтни услуги. Заедно со S&P Dow Jones Indices, RobecoSAM ги објави глобално признатите Dow Jones индексите за одржливост. Следејќи пристап кој е најдобар во класата, индексите ја мерат успешноста на светските лидери во одржливост. Компанијата RobecoSAM поканува над 3.400 компании од јавниот сектор да учествуваат. Компаниите се избираат за индексите врз основа на опширна проценка на долгорочните економски, еколошки и социјални критериуми кои ги сочинуваат општите како и трендовите на одржливост кои се специфични за индустријата. Само фирмите кои ги водат своите индустрии врз основа на оваа проценка се вклучени во индексите. Индексите се креираат и одржуваат согласно систематска методологија, која им овозможува на инвеститорите соодветно да ги измерат средствата поврзани со одржливоста и диференцијалното сметање на подолг рок. Врз основа на Глобалниот систем за индустриска класификација, RobecoSAM годишно ја идентификува најдобрата компанија во секоја од 24-рите индустриски групи. За дополнителни информации за DJSI Ве молиме посетете ја официјалната веб страница за индексите   www.sustainability-index.com.

За Roche

Седиштето на компанијата е во Базел, Швајцарија. Roche е лидер во истражувањата  фокусирани кон заштита на здравјето, како во полето на фармацијата така и во дијагностиката. Roche е светска најголема биотехнолошка компанија со вистински диференцирани производи во областа на онкологија, имунологија, вирусологија, офталмологија како и заболувања на централниот нервен систем. Roche е исто така светски лидер во in-vitro дијагностиката, ткивната канцер дијагностика и пионер во справувањето со дијабетесот. Стратегијата на Roche за развој на персонализирана медицина овозможува обезбедување на лекови и дијагностички средства кои значително го подобруваат здравјето, квалитетот на животот и преживувањето на пациентите. Основана во 1896 година, Roche значајно придонесува за глобалното здравје повеќе од еден век. Дваесет и девет лекови пронајдени од Roche, антибиотици, антималарици и хемотерапевтици, се вклучени во Модел Листата на значајни лекови на Светската Здравствена Организација.

Во 2014 година, групацијата Roche имаше над 88.500 вработени во светот и инвестираше 8,9 милијарди швајцарски франци во истражувања и развој. Компанијата прикажа продажба од 47.5 милијарди швајцарски франци. Genentech, во Соединетите Американски Држави, е во сопственост на Roche групацијата, која има и мнозински дел од акциите на Chugai Pharmaceutical, Јапонија. За повеќе информации, Ве молиме посетете ја веб страната www.roche.com.

Сите заштитени имиња употребени или споменати во ова соопштение се заштитени со закон.