Ако некое лице со хемофилија се исече ќе искрвари до смрт

Не секое крварење е опасно по живот. Кај лицата со хемофилија може да се појават модринки, крварења во мускулите и зглобовите кои ако се чести, можат да доведат до компликации.1

Лицата со хемофилија имаат само надворешно крварење, на пр. по повреда или посекотина

Лицата со хемофилија може да имаат и спонтано внатрешно крварење, кои најчесто ги зафаќаат зглобовите на колената, глуждовите и лактите.2

Животниот век на лицата со хемофилија е пократок.

Со соодветна грижа, животниот век на лицата со хемофилија денес е скоро еднаков како оној на здравите лица.2

Децата со хемофилија секогаш имаат некој во семејството кој исто така ја има оваа состојба.

Иако хемофилијата е главно наследна болест, кај една третина од лицата, хемофилијата не е наследна.3

Хемофилијата се јавува само кај машки деца.

Бидејќи хемофилијата се наследува рецесивно врзано со Х-хромозомот, повеќето лица со хемофилија се машки. Хемофилијата може да се појави и кај жени, но ретко.4

Сите лица со хемофилија имаат исти симптоми.

Симптомите на хемофилија А варираат во зависност од нивото на факторот за коагулација VIII. Хемофилија А е класифицирана како лесна, средна и тешка.5

Лицата со хемофилија не смеат да се занимаваат со спорт.

Со соодветен третман, лицата со хемофилија можат да се вклучат во многу спортови (на пр. пливање, трчање), но не се препорачуваат „груби“ спортови.2

Сите форми на хемофилија се предизвикани од недостаток или намалена активност на факторот за коагулација VIII.

Најчеста форма на хемофилија е хемофилија А, која се должи на недостаток или намалена активност на факторот VIII. Хемофилија Б се јавува поради недостаток или намалена активност на фактор IX и хемофилија Ц поради недостаток или намалена активност на фактор XI.8

Сите лица со хемофилија на крајот ќе станат инвалиди поради оштетувањата на зглобовите.

Со соодветен профилактичен третман, лицата со хемофилија можат да избегнат чести крварења на зглобовите и долготрајно оштетување на зглобовите.9