Пионери на ракот на дојка

8 луѓе кои го промениле начинот на кој гледаме на ракот на дојка

Антички Египќани

Околу 3150 година п.н.е. - 30 година п.н.е.

Папирусот на Едвин Смит, од 1600 година п.н.е., е извадок од антички египетски учебник по хирургија за траума и е првиот медицински документ познат на човекот. Опишува осум случаи на тумори или чиреви на дојка. Папирусот заклучува: „Не постои третман [за рак на дојка]“. За среќа, ова се смени и денес има голем број на третмани достапни за лекување на оваа болест.

Бернардино Рамазини

3 ноември 1633 година - 5 ноември 1714 година

Забележувајќи ги релативно високите стапки на рак на дојка кај монахињите, Бернардино Рамазини претпоставувал дека имаат поголеми шанси да заболат од рак на дојка поради нивниот целибатски начин на живот. Ова беше важен чекор во разбирањето на улогата на хормоните - кои се менуваат во тек на бременоста - во развој на ракот на дојка. Денес, тестирањето на хормони е широко распространет и важен дел за дијагностицирање и лекување на болеста.

Хенри Ле Дран

13 октомври 1685 година - 17 октомври 1770 година

Хенри Ле Дран, француски хирург, беше првиот кој претпоставил дека ракот на дојката е болест во различни фази и дека клучно е да се спречи ширењето на ракот во блиските лимфни јазли. Ова го натерало прв да препорача хируршко отстранување на туморот како третман за рак на дојка.

Вилијам Стјуарт Халстед

23 септември 1852 година - 7 септември 1922 година

Вилијам Халстед бил пионер во радикалната мастектомија, каде што се отстрануваат дојката, мускулите на градниот кош и лимфните јазли во пазувите. Сега, поради подобрувањата во хируршките техники и поголемото разбирање на ракот на дојка, често е можно да се зачуваат мускулното ткиво и ткивото на лимфните јазли, а со тоа да се подобри исходот кај пациентите.

Полковник сер Џорџ Томас Битсон

1848 година - 16 февруари 1933 година

Во 19-от век, Томас Битсон открил дека дојките на зајаците престанале да произведуваат млеко откако им ги отстранил јајниците. Следствено, Битсон ги отстранил јајниците (наречена оофоректомија) кај пациенти со напреднат рак на дојка, што често резултирало со подобрувања на исходот кај пациентите. Тој исто така го открил влијанието на женскиот полов хормон (естроген) врз ракот на дојка, дури и пред да биде откриен овој хормон.

Џенет Лејн-Клејпон

1877 година - 1967 година

Џенет Лејн-Клејпон е позната како основач на епидемиологија, пионер во таканаречените кохортни и контролни случаи - два вида анализи што се користат и денес. Нејзините студии се фокусираа на ракот на дојка - истражувајќи голем број на жени со слични карактеристики и споредувајќи ги оние со и без рак на дојка. Нејзиното истражување идентификуваше многу фактори на ризик за рак на дојка, како што се менопаузата и бројот на деца, кои и денес се сметаат за валидни.

Роберт Алан Вајнберг

11 ноември 1942 година -

Генот на HER2 бил откриен од Роберт Вајнберг и неговиот тим научници од Институтот за технологија во Масачусетс, САД и опишан во списанието Nature во 1984 година. Оттогаш, разбирањето и знаењето за генот и неговите поврзани патишта експоненцијално пораснаа. Сега знаеме дека прекумерното изразување на HER2 рецепторите предизвикува агресивна форма на рак на дојка што влијае на една од пет жени со дијагностицирана болест.

Елвуд Вернон Јенсен

13 јануари 1920 година - 16 декември 2012 година

Истражувањето на Елвуд Јенсен за половите хормони и неговата изолација на рецепторите за естроген ја истакнале важната улога на хормоните кај ракот на дојка и го отвориле патот за третмани кои специфично се насочени кон овие хормони.

Кредити

  • 1. Слика: Colonel Sir George Thomas Beatson. Accreditation: Sir George Thomas Beatson. Wellcome Library, London, used under CC BY 4.0/Filter applied to original image
  • 2. Слика: Janet Lane-Claypon. Accreditation: Janet Lane-Claypon (Image credit: NIH)
  • 3. Слика: Robert Allan Weinberg. Accreditation: Kelly Lorenz/Whitehead Institute

Повеќе информации