skip to content

Подтипови на лимфоми:Дали ја знаете разликата?

Не-Хочкинов лимфом (НХЛ) е хематолошка малигна болест која потекнува од белите крвни клетки - лимфоцити, кои се клучна компонента на имунолошкиот систем.

Постојат повеќе од 60 различни подтипови на НХЛ,2 кои можат да се поделат на индолентни (спорорастечки) и агресивни (брзорастечки), во зависност од брзината на напредување на болеста.3 Двата најчести типа на НХЛ, фоликуларен лимфом (ФЛ) и дифузен Б-големоклеточен лимфом (ДБГЛ), се разликуваат според тоа како, кога и каде се развиваат, како и според начинот на лекување.

Кои се најчестите подтипови на НХЛ?

Фоликуларен лимфом
Фоликуларен лимфом е најчест индолентен лимфом, кој се јавува кај околу 20% од сите новодијагностицирани случаи на НХЛ. Годишно, во светот со овој подтип на лимфом се дијагностицираат околу 100.000 лица.
Дифузен Б-големоклеточен лимфом
Дифузен Б-големоклеточен лимфом е најчест агресивен лимфом, кој се јавува кај околу 30% од сите новодијагностицирани случаи на НХЛ. Ширум светот, годишно заболуваат околу 150.000 лица од оваа болест.

Како се разликуваат малигните клетки кај различните подтипови на лимфоми?

Фоликуларен лимфом
Фоликуларниот лимфом е Б-клеточен лимфом. Се нарекува фоликуларен бидејќи малигните клетки се групираат во кругови во лимфниот јазол, познати како фоликули.
Дифузен Б-големоклеточен лимфом
Дифузен Б-големоклеточен лимфом се нарекува дифузен бидејќи малигните клетки се распространети насекаде низ туморот уништувајќи ја нормалната структура на лимфниот јазол.

Колку брзо напредува болеста?

Фоликуларен лимфом
Фоликуларен лимфом е индолентен НХЛ, што значи дека напредува споро. Пациентите со фоликуларен лимфом може да живеат со години и доколку немаат присутни симптоми на болеста немаат потреба од третман веднаш по поставување на дијагнозата.⁸
Дифузен Б-големоклеточен лимфом
Дифузниот Б-големоклеточен лимфом се карактеризира како агресивен, бидејќи напредува брзо и ако случајно не се лекува веднаш може да доведе до смртен исход.⁹ Во случај кога пациентите со ДБГЛ не започнуваат со соодветен третман за болеста, средното преживување изнесува помалку од една година.¹⁰

Кога се дијагностицираат овие подтипови?

Фоликуларен лимфом
Симптомите на фоликуларниот лимфом често се појавуваат постепено, и често поминуваат незабележани од страна на пациентите, што резултира со тоа што кај 80% од пациентите оваа болест се дијагностицира во поодмината фаза.
Дифузен Б-големоклеточен лимфом
Поради агресивната природа на ДБГЛ, симптомите на болеста, како што се зголемени лимфни јазли стануваат очигледни рано. Кај околу 40% од пациентите оваа болест се дијагностицира во рана фаза, кога и прогнозата е подобра.

Каков е текот на болеста?

Фоликуларен лимфом
Иако поголемиот број на пациенти реагираат на почетниот третман на фоликуларниот лимфом, оваа болест обично се враќа и станува потешка за лекување во однос на претходното јавување.
Дифузен Б-големоклеточен лимфом
ДБГЛ реагира на третман и 60% од пациентите ќе бидат излекувани со првиот третман на оваа болест. Пациентите кои реагираат на третманот и кај кои не се појавува прогресија на болеста во тек на две години од третманот, обично имаат сличен животен век како и здравите особи на нивна возраст. Меѓутоа, пациентите кај кои болеста се јавува повторно, имаат лоша прогноза и кратко преживување.

Кои се незадоволените медицински потреби кај овие болести?

Фоликуларен лимфом
Моментално не постои лек за фоликуларен лимфом. Моменталните цели на третманот кај оваа хематолошка малигна болест е да се продолжи периодот на ремисија, односно периодот во кој пациентот е без болест. За да се унапреди долготрајниот исход од лекувањето, потребни се третмански опции кои ќе осигураат минимизирање на симптомите и долготрајно одржување на ремисијата кај пациентите.
Дифузен Б-големоклеточен лимфом
Целта на третманот кај ДБГЛ е излекување. Потребни се нови третмански опции кои би довеле до зголемување на процентот на излекувани пациенти и унапредување на долготрајниот исход од лекувањето кај пациентите кои не реагираат на првичниот третман.

Референци

  1. Lymphoma research foundation. пристапено: ноември 2018 г. достапна на: https://www.lymphoma.org/aboutlymphoma/

  2. Swerdlow SH, et al. WHO classification of tumours of haematopoietic and lymphoid tissues. In: World Health Organization Classification of Tumours. Lyon, France: IARC; 2017.

  3. American Cancer Society. What is Non-Hodgkin Lymphoma. пристапено: ноември 2018 г. достапна на: https://www.cancer.org/cancer/non-hodgkin-lymphoma/about/what-is-non-hodgkin-lymphoma.html

  4. A clinical evaluation of the International Lymphoma Study Group classification of non-Hodgkin's lymphoma. The Non-Hodgkin's Lymphoma Classification Project. Blood 1997; 89:3909-18.

  5. Globocan 2018. World fact sheet. пристапено: ноември 2018 г. достапна на: https://gco.iarc.fr/today/data/factsheets/populations/900-world-fact-sheets.pdf

  6. Very Well Health. пристапено: ноември 2018 г. достапна на: https://www.verywellhealth.com/follicular-lymphoma-2252371

  7. Lymphoma Action. пристапено: ноември 2018 г. достапна на: https://lymphoma-action.org.uk/sites/default/files/media/documents/2018-06/LYMweb0018DLBCL2016v2.2.pdf

  8. Lymphoma Research Foundation. пристапено: ноември 2018 г. достапна на: https://www.lymphoma.org/site/pp.asp?c=bkLTKaOQLmK8E&b=6300155 пристапено: спетември 2016 .

  9. Medscape. Diffuse large cell lymphoma. пристапено: ноември 2018 г. достапна на: https://emedicine.medscape.com/article/202969-overview

  10. Rovira J et al. Prognosis of patients with diffuse large B cell lymphoma not reaching complete response or relapsing after frontline chemotherapy or immunochemotherapy. Ann Hematol. 2015; 94: 803–812.

  11. Salles GA. Clinical features, prognosis and treatment of follicular lymphoma. Hematology Am Soc Hematol Educ Program 2007; 1:216-225.

  12. Lymphoma Research Foundation. пристапено: ноември 2018 г. достапна на: https://www.lymphoma.org/aboutlymphoma/nhl/fl/relapsedfl/

  13. Maurer, MJ et al. Event-free survival at 24 months is a robust end point for disease-related outcome in diffuse large B-cell lymphoma treated with immunochemotherapy. J Clin Oncol. 2014; 32: 1066-73.

  14. Vaidya R & Witzig TE. Prognostic factors for diffuse large B-cell lymphoma in the R(X)CHOP era. Annals of Oncology 2014; 25:2124–2133.

  15. Fowler N. Role of Maintenance Rituximab (Rituxan) Therapy In the Treatment of Follicular Lymphoma. Pharmacy and Therapeutics; 2011; 36:590-598

  16. Dotan E, et al. Impact of rituximab (Rituxan) on the treatment of B-cell non-hodgkin’s lymphoma. Pharmacy and Therapeutics.2010;35:148-57

Откриј повеќе

ЛимфомРешенија

Лимфомите се малигни заболувања на лимфоцитите, клетки на лимфниот систем.