Ги разбиваме митовите за карциномот на бели дробови

Само луѓето кои пушат заболуваат од карцином на бели дробови

Околу 15% од случаите на карцином на бели дробови се јавуваат кај луѓе кои никогаш не пушеле.1

Други ризик фактори кои можат да придонесат за развој на болеста се: пасивно пушење и загадување на животната средина.2

Сите лица со карцином на бели дробови кашлаат

Иако голем број (> 65%) од пациентите дијагностицирани со карцином на бели дробови имаат кашлица како симптом, дел од пациентите немаат кашлица како симптом, а некои немаат никакви симптоми.3,4

Карциномот на бели дробови е болест на модерното време и не постоел пред пронаоѓање на цигарите

Карциномот на бели дробови за прв пат е откриен уште во 1761 година, долго пред пронаоѓање на цигарите. Иако се откривал релативно ретко во минатото, оние кои го имале страдале од големи здравствени проблеми.5

Карциномот на бели дробови се јавува само во белите дробови

Карциномот на белите дробови може да се прошири низ целото тело и да биде метастатски. Најчеста локација за метастази од белите дробови е мозокот, кои може да се предизвикаат загуба на некои од виталните функции, на пр. видот.6

Само мажите заболуваат од карцином на бели дробови

Иако мажите се со поголема веројатност да заболат од карцином на бели дробови (1 од 14), жените исто така имаат висок ризик (1 од 17).7,8

Секој карцином на белите дробови е ист

Не постои еден вид на карцином на бели дробови - постојат два главни типа; ситноклеточен карцином на бели дробови и крупноклеточен карцином на бели дробови со многу подтипови.9

Не може да се живее без две белодробни крила, така што не е можно хируршко отстранување на карциномот на белите дробови

Всушност, отстранувањето на дел или дури и на цело белодробно крило е начин за лекување на локализиран карцином на бели дробови.10

Карциномот на бели дробови се јавува само кај постари лица

Навистина, карциномот на бели дробови е почест кај повозрасни лица, но важно е да се нагласи дека третина (31%) од новодијагностицираните и (28%) смртните случаи се јавуваат кај лица помлади од 65 години.11

Откако карциномот на бели дробови ќе се прошири, повеќе не може да се лекува

Кога карциномот на бели дробови ќе се прошири, станува потежок за лекување. Иако во суштина лицата не можат да се излекуваат, новите терапевтски методи (целна терапија и имунотерапија) можат значително да го продолжат животот.10-12