Имунологија

Посветени сме на задоволување на потребите на луѓето со имуно-посредувани болести преку истражување на нови пристапи за имунолошки патишта.

Предизвик

Имунолошкиот систем е одбранбената мрежа на телото, која нè штити од болести и инфекции. Тој е неверојатно ефикасен, но понекогаш може да тргне наопаку и да го нападне телото.

Имуно-посредуваните болести ги напаѓаат најважните органи во телото и можат сериозно да го исцрпат организмот. Тие го отежнуваат секојдневието, го ограничуваат времето поминато на работа и со семејството, а во многу случаи можат и да го скратат животот.

Луѓето со имуно-посредувани болести често се „невидливи пациенти“ кои својата битка ја водат во тишина. Дури и по поставувањето на дијагнозата и започнувањето со терапија, често остануваат голем број нерешени проблеми поврзани со успешноста на лекувањето и рамноправниот пристап до соодветна нега.

Фокус

Повеќе од 20 години, Рош е на чело на истражувањата на имунолошките болести. Ние бевме пионери во употребата на терапевтски антитела кои ја трансформираа перспективата за луѓето со хематолошки болести, ревматолошки заболувања и области од неврологијата, а продолжуваме да работиме на третмани за алергиски и автоимуни заболувања. Имунологијата е камен-темелник на стратегијата на Рош, а нашите иновации не само што го подобрија здравјето на луѓето, туку им овозможија да останат активни и да придонесуваат во општеството.

Во имунологијата, нашата експертиза е фокусирана таму каде што потребата е најголема - како справување со сложени состојби како што се системски лупус еритематозус и други автоимуни заболувања, вклучувајќи ги и оние на бубрезите. Гледајќи подалеку од индивидуалните болести, ние ги таргетираме пан-имуно „патеките“ - биолошките и молекуларните сигнали што предизвикуваат воспаление и имунолошки одговори, што може да предизвика имуно-посредувана болест.

Соработувајќи со глобалната имунолошка заедница, нашата цел е да го редефинираме она што е можно. Ние не развиваме само трансформативни лекови, туку се стремиме да изградиме нова реалност каде што лицето со дијагностицирана имунолошка болест се соочува со многу поинаква иднина, иднина со можност да го живее животот до максимум.

Подетално за

Illustration of two scientists analyzing kidneys. One uses a magnifying glass, the other a flashlight. The scene conveys curiosity and research focus.

Што е лупус нефритис?

Кај лупус нефритис, имунолошкиот систем ги напаѓа бубрезите, што доведува до воспаление и неповратно губење на нефрони, филтрирачките структури на бубрезите.